2021-ஆம் ஆண்டின் மிகப்பெரிய சிறுகோள் இன்று இரவு பூமியைக் கடக்க உள்ளது என நாசா தெரிவித்துள்ளது.
2001 FO32 என அழைக்கப்படும் இந்த விண்வெளி பாறை சுமார் 440 மீட்டர் முதல் 680 மீட்டர் வரை அகலம் கொண்டது.
இது ஒரு மணி நேரத்திற்கு 123,876 கிலோமீட்டர் வேகத்தில், ஒரு சராசரி சிறுகோளை விட வேகமாக பறக்கும் என்று விஞ்ஞானிகள் கூறியுள்ளனர்.
மேலும், 2001 FO32 சிறுகோள் பூமியிலிருந்து 2 மில்லியன் கிலோமீட்டர் தூரத்தில் பயணிப்பதாக விஞ்ஞானிகள் கூறியுள்ளனர்.
NASA வின் கருத்துப்படி, இந்த சிறுகோள் நமது கிரகத்திற்கு எந்த அச்சுறுத்தலையும் ஏற்படுத்தாது.
ஆயினும் இது நாசாவின் சிறுகோள் கண்காணிப்பு பட்டியலில் வைக்க போதுமானதாக உள்ளது மற்றும் ஒரு ‘அபாயகரமான சிறுகோள்’ என்று பெயரிடப்பட்டுள்ளது.
Discussion about this post