மஹிந்த அமைதியை களைய வேண்டும் – மனோ கணேசன் விடுத்த கோரிக்கை

பிரதமர் மஹிந்த ராஜபக்ஸ அமைதியை களைய வேண்டும் என ஐக்கிய மக்கள் சக்தியின் பாராளுமன்ற உறுப்பினரும், தமிழ் முற்போக்கு கூட்டணியின் தலைவருமான மனோ கணேசன் தெரிவிக்கின்றார்.

2005ம் ஆண்டு மஹிந்த ராஜபக்ஸவின் ஆட்சிக் காலத்தில் ‘பேரிடர் மேலாண்மை சட்டம்” பாராளுமன்றத்தில் நிறைவேற்றப்பட்டதாகவும் அவர் நினைவுப்படுத்தினார்.

இந்த சட்டத்தின் பிரகாரம், பேரிடர் மேலாண்மை குழுவொன்றை ஏற்படுத்தக்கூடிய பொறிமுறை, அந்த சட்டத்தில் குறிப்பிடப்பட்டுள்ளதாகவும் அவர் கூறியுள்ளார்;.

ஜனாதிபதி, பிரதமர், எதிர்கட்சித் தலைவர், 15 அமைச்சர்கள் மற்றும் 5 எதிர்கட்சி பாராளுமன்ற உறுப்பினர்களை கொண்டு இந்த குழுவை செயற்படுத்த முடியும் என அவர் குறிப்பிடுகின்றார்.

இவ்வாறு குழுவின் ஊடாக, இந்த அசாதாரண சூழ்நிலையை எதிர்கொள்ள வேண்டும் எனவும் மனோ கணேசன் தெரிவித்துள்ளார்..

பிரதமர் மஹிந்த ராஜபக்ஸ, இந்த செயற்பாடுகளில் முழுமையாக விலகியுள்ளதாகவும், பிரதமர் விழித்துக்கொள்ள வேண்டும் எனவும் அவர் கோரிக்கை விடுத்துள்ளார். (TrueCeylon)