தென்னாசிய நாடுகளில் இலங்கையின் மோசமான நிலை! பேரழிவை ஏற்படுத்தும் என எச்சரிக்கை

நாட்டில் கொரோனா நோயாளிகளுக்கு ஒட்சிசனை நம்பும் வீதம் 441% அதிகரித்துள்ளதாகவும், கொரோனா நோயாளிகளைப் பொறுத்தவரை இலங்கை தென்னாசிய நாடுகளில் மூன்றாவது இடத்திற்கு உயர்ந்துள்ளது என்று அரசு மருத்துவ அதிகாரிகள் சங்கத்தின் (GMOA) செயற்குழு உறுப்பினர் டாக்டர் பிரசாத் கொலம்பேஜ் தெரிவித்தார்.

COVID-19 நோயுடன் தொடர்புடையவர்களுக்கு சிக்கல்கள் மற்றும் ஒவ்வாமை அதிகரித்து வருவதாக அவர் ஊடகங்களுக்கு தெரிவித்தார்.

மேலும் தினசரி இறப்பு எண்ணிக்கையும் கிட்டத்தட்ட 50 ஆக உயர்ந்துள்ளது. இது இந்த புதிய COVID-19 மாறுபாட்டின் ஆபத்தை நிரூபிக்கிறது என்று அவர் கூறினார்.

ஏப்ரல் மற்றும் மே மாதங்களில் ஒட்சிசனை சார்ந்திருக்கும் விகிதம் 441% ஆக உயர்ந்துள்ளது.

வைரஸ் பரவுவதைக் கட்டுப்படுத்த பயணக் கட்டுப்பாடுகள் விதிக்கப்பட்டிருந்தாலும், நோயின் தீவிரம் குறைந்துவிட்டதாகத் தெரியவில்லை. இது எதிர்காலத்தில் ஒரு பெரிய சிக்கலை உருவாக்கும் என்றார்.

எனவே, பயணக் கட்டுப்பாடுகளை நீக்கியிருந்தாலும் தவறாகப் பயன்படுத்த வேண்டாம் என்று டாக்டர் மக்களை எச்சரித்தார்.

மக்கள் பொறுப்புடன் நடந்து கொள்ளாவிட்டால், இது நாட்டிற்கு பேரழிவாக மாறும் என்றார்.