யாழ்ப்பாணம் – வட்டுக்கோட்டை பகுதியில் இருவர் கொலை செய்யப்பட்ட சம்பவம் தொடர்பில் 12 சந்தேகநபர்களை பொலிஸார் கைது செய்துள்ளனர்.
இந்த கொலை சம்பவம் நேற்று முன்தினம் இடம்பெற்றுள்ளதாக பொலிஸார் தெரிவிக்கின்றனர்.
தனிப்பட்ட தகராறு ஒன்றே இந்த கொலைக்கான காரணமாக இருக்கலாம் என ஆரம்பகட்ட விசாரணைகளின் ஊடாக தெரியவந்துள்ளதாகவும் பொலிஸார் கூறுகின்றனர்.
குறித்த கொலை சம்பவத்துடன் 21 பேர் தொடர்புப்பட்டிருக்கலாம் என பொலிஸார் சந்தேகம் வெளியிடுகின்றனர்.
யாழ்ப்பாணம் – சுள்ளிப்புரம் பகுதியைச் சேர்ந்த 55 மற்றும் 32 வயதான இருவரே இந்த சம்பவத்தில் உயிரிழந்துள்ளனர்.
கைது செய்யப்பட்ட சந்தேகநபர்களை மல்லாகம் நீதவான் நீதிமன்றில் ஆஜர்ப்படுத்த பொலிஸார் நடவடிக்கை எடுத்து வருகின்றனர்.
