பழைய போகம்பர சிறைச்சாலையிலுள்ள சில கைதிகள் கூரை மீதேறி எதிர்ப்பு நடவடிக்கையொன்றை முன்னெடுத்து வருகின்றனர்.
கைதிகளை தனிமைப்படுத்துவதற்காக பழைய போகம்பர சிறைச்சாலை ஒதுக்கப்பட்டுள்ளது.
குறித்த சிறைச்சாலையில் சுமார் 800 பேர் தனிமைப்படுத்தலுக்கு உட்படுத்தப்பட்டுள்ளதுடன், அவர்களில் 30 கைதிகளுக்கும், சில அதிகாரிகளுக்கும் கொவிட் தொற்று உறுதிப்படுத்தப்பட்டுள்ளது.
இவ்வாறான நிலையில், தமக்கும் கொவிட் தொற்று ஏற்படுவதற்கான அதிக சாத்தியம் காணப்படுவதாக எதிர்ப்பில் ஈடுபட்டுள்ள கைதிகள் தெரிவிக்கின்றனர்.
அதனால் தமக்கு உடனடியாக பி.சி.ஆர் பரிசோதனையை நடத்தி, வேறு சிறைச்சாலைகளுக்கு மாற்றுவதற்கு நடவடிக்கை எடுக்குமாறும் அவர்கள் கோரிக்கை விடுக்கின்றனர்.
குறித்த கைதிகளுக்கு பி.சி.ஆர் பரிசோதனை நடத்துவதற்கு தயார்ப்படுத்தப்பட்டு வருவதாக அங்கிருந்து கிடைக்கும் தகவல்கள் தெரிவிக்கின்றன.
