காலியில் கொரோனா தொற்றுக்குள்ளாகி உயிரிழந்தவரின் ஜனாஸாவை, தம்மால் முன்பு வெளியிடப்பட்ட சுற்று நிரூபத்திற்கு அமைய, இறுதிக் கிரியைகளை நடத்துமாறு சுகாதார சேவை பணிப்பாளர் நாயகம் டொக்டர் அசேல குணவர்தன, காலி பொலிஸ் தலைமையகத்திற்கு அறிவித்துள்ளார்.
சுகாதார அமைச்சின் கடிதவுரையில் நேற்றைய தினம் (23) திகதியிடப்பட்ட கடிதமொன்றின் ஊடாக சுகாதார சேவை பணிப்பாளர் இதனைக் குறிப்பிட்டுள்ளார்.
காலி மேலதிக நீதவானின் உத்தரவிற்கு அமைய கொவிட் – 19 தொற்றுக்குள்ளாகி உயிரிழந்தவரின் ஜனாஸா குறித்து, தன்னால் முன்பு வெளியிடப்பட்ட சுற்று நிரூபத்திற்கு அமைய நடவடிக்கைகளை மேற்கொள்ளுமாறு அவர் கூறியுள்ளார்.
இந்த அறிக்கை தொடர்பில் காலி நீதவானை தெளிவூட்டி, இறுதிக் கிரியைகளை நடத்துமாறும் அவர் குறிப்பிட்டுள்ளார்.
சுகாதார அமைச்சினால் முன்பு வெளியிடப்பட்ட சுற்று நிரூபத்தின் பிரகாரம், கொவிட் தொற்றினால் உயிரிழக்கும் அனைவரது சடலங்களும் தகனம் செய்யப்பட வேண்டும் என கூறப்பட்டுள்ளது. (TrueCeylon)
தொடர்புடைய செய்தி :-
ஜனாஸா தகனம் – காலி நீதிமன்றம் வழங்கிய தீர்ப்பு
